2008年7月15日 晴、多雲 計一計，lee度已經俾我「荒廢」左大半年啦。唔知點解今日突然心血來潮，好啦，就等我 update 一下我 lee 個「廢墟」，順便講下我個近況啦。 先講下 d 無關痛癢 ge 野先啦，就講「工作」先啦。 唔覺唔覺，我入左行都已經有2年10個月零3日啦，而我係旺角報案室都做左成一年半啦。由最初我番工時「逢人叫 X 哥、X姐」，變到而家個個新師兄、師姐見到我都叫「東哥」(其實我聽到都覺得打冷震，實際上我都唔係好耐「差齡」架咋，我都係好多野都唔識，要 d 師兄、師姐教我，所以真係唔敢當。同埋叫到我好老呀，我其實仲後生過好多師弟、妹架.....)，真係諗番都覺得好笑。不過我好彩，拍到一 team 好夾 ge 同事，工作都不知幾娛快，我諗都真係幾難有機會再拍到一班咁好 ge 同事啦。黎緊下個 posting 應該會係「PTU」啦，即係平時人地講 ge 「藍帽子」。其實我都算遲入「PTU」，希望下年可以入到啦。但係入之前，我諗我都係要操番好個身型，同埋我個體能先得，因為「開心娛快 ge 報案室人」= 「機能回落 ge 發水麵包」，大鑊啦~!!!!! 講完「工作」，不如講下「家庭」啦。 不過其實屋企就無咩野好講 ge，希望繼續「和平」落去啦，同埋老豆唔好咁煩啦 (真係估唔到，媽子更年期過左之後，老豆先黎更年期，煩死 )。不過最緊要都係人人健康，其他野都可以慢慢處理。 之後講下「朋友」啦。 出黎做野做左三年，認識到 ge 「真朋友」真係唔多，好難有人會交個真心出黎同你做「friend」，有好處先同你做「朋友」ge 就大把。雖然係老生常談，但可惜卻是不爭的事實。所以我好珍惜我所有的好朋友。雖然唔可能成日同所有朋友見面，但希望可以保持聯絡。「中學同學」、「大學同學」、「Softball ge 隊友」、「Hall ge 朋友仔」、「學堂 ge 兄弟」......... 等等!! 我真係行運，有咁多「豬朋狗友」!! ( 哈哈哈，唔好意思，咁講你地  !!) 不過黎緊幾年，我可能會後悔，識識埋埋咁多人.... 「人情」債都整窮我!! 果 d 「912」呀、「111」呀等等..... 其實我地係好朋友黎架 ma，我地講「心」得架 la，哈哈!!!! 不過恭喜晒!!!!! ( P.S. Beauty Head Silver! Be Strong!! Your Luck Will Come Back!!! I Believe You Can Find "The One" In Your Life~ SOON~~!!!! You Are My Best Friend Forever!!!!! ) 咁最後講埋「感情」啦。 2007年7月6日 - 「開始」 2008年7月15日 - 「『一週年』 plus 9日」 雖然遲左五年，期間又經過好多事情，你我各自有不同 ge 經歷、遇過唔同 ge 人。但係好彩最終都可以絃續五年前，我地之間未完成 ge 事。除左衷心感謝「天」以外，我希望可以與你 - Aiko - 一起建立我地 ge 天地，珍惜我地相處 ge 一分一秒。 From My Profile: I am just a KID~ A hopeless KID with none of the strength but................the only things to wait for........... is the TIME to meet the one~ "And I Believe I Found You!!" 嘩嘩嘩~~~~ 睇黎我講得太多廢話 la ! 睇死人咩~!!!!!! 唔玩 lu ! Should go to bed la~!! 死人馬術，搞到我無得放假咁滯，要番足九日工先放得一日~!! Shit! @_@||| 做死人咩~!!!!!!! | 
PreSent~ FuTure~
